"Энэ бол би, би угаасаа л ийм" гэж бид хэр зэрэг олон удаа хэлдэг билээ. Энэ үг бол бидний  үнэн гэж итгэж байгаа зүйлийг харуулж буй үг. Бид ерөөсөө бусдын зөв гэж итгэсэн зүйлийг өөрсдийн итгэлийн системд нэвтрүүлэхгүй байх ёстой гэсэн итгэл үнэмшилтэй байдаг. Энэ нь бидний бусад зүйлсийн талаарх итгэл үнэмшилтэй ч таардаг нь эргэлзээгүй.

Та өглөө босоод бороо орж байхыг хараад :"Өө, ямар онцгүй өдөр вэ" гэсээр орноосоо босож байгаа олон хүнийг харсан байх. Уул нь энэ бол онцгүй өдөр биш зүгээр л чийгтэй, бороотой өдөр. Хэрэв бид бороонд норохооргүй зөв, тохиромжтой хувцаслаад тэр өдрийг сайхан өдөр байна гэж бодоод явбал олон бороотой өдрийг хөгжилтэй, аз жаргалтай өнгөрүүлж чадна. Хэрэв бид бороотой өдрийг үнэхээр онцгүй өдөр гэж итгэх юм бол бороо орсон өдөр 6vpийг л гуниглаж, гутарсан байдлаар өнгөрүүлж, зүрх сэтгэлээ бороонд живүүлэх болно.

Бид тухайн өдөр юу болж байгааг дагаж урсах биш, Tүүнийг өөрөөр харж, өөрчилж, тэмцэх нь зүйтэй.

Хэрэв бид баяр баясгалант амьдралыг хүсдэг л бол баяр баясгалантай бодол бодох ёстой. Бид хайрлуулж, хайрлаж амьдрах хүсэлтэй юм бол хайрын тухай гэгээнээр бодох ёстой. Бид юу бодож юу гэж хэлнэ, тэр бидэнд биежиж, хэлбэржээд буцаж ирдэг.