Энэ нь компаний дүр төрхийг илтгэнэ. Компани нь өөрийн онцлогтой дизайн, өнгө, таних тэмдэг, бланк, тамга, сурталчилгааны хуудас зэргээр өөрийгөө илэрхийлдэг. Харин эдийн засгийн салбарт үйл ажиллагаа (хоолны газар, нийтийн тээвэр зэрэг) явуулдаг өөрөөр хэлбэл үйлчлэгчтэйгээ шууд харилцдаг газар нь өөрөө, байрныхаа дизайн, ажилтнуудын дүрэмт хувцас зэргээр өөрийгөө илэрхийлдэг. Компаниудын салбар болгон нь ижил дизайнтай энэ нь өөрийгөө таниулах тэмдэг нь юм. Жишээ нь тавилгын IКЕА дэлгүүр нь сурталчилгаандаа хүртэл тус компанийн ажилтан болох дүрэмт хувцастай хүмүүсийн зургийг байрлуулсан байх жишээтэй.

Мөн байрладаг байшин, байр, өрөө зэргээ ижил дизайнтай болгож болно.

Гэхдээ анхаарал заавал хандуулах зүйлийн талаар хэдэн үг хэлье. Жишээ нь буйдан сандал доорх бухтай зургийг хараад зарим нэг нь магтаж зарим нь муулна. Хүн бүрийн сонирхол өөр шүү дээ. Гэсэн хэдий ч анхаарах зүйл бий.
     -   Мэргэжлийн хүнээр хийлгүүл. Компанийхаа байрыг янзлуулж тохижуулахад чамгүй мөнгө зарцуулах нь ойлгомжтой. Таны санаа нийлж байгаа зураач эсвэл дизайнерийг олж чадвал энэ ажил тань амжилттай болно.
     -   Зөвхөн өөрт таалагдсан, мэргэжлийн түвшинд нийцээгүй World Page Maker программаас сонгож авсан зураг, үсэг нь бусдад тун таагүй сэтгэгдэл төрүүлнэ.
     -   Та нэлээд хэдэн хувилбарыг авч үзээрэй! Дизайнаа сонгохдоо Интернэт дэх бусад дизайн, эксизийг үзэж судлах нь зүйтэй. Бусдын санаа бодолд найдах хэрэггүй. Тиймээс өөрөө энэ нь надад таалагдаж байна уу, дотоод мэдрэмжид тань тохирч байгаа эсэхийг сайтар бодолцоорой.
     -  Зураач эсвэл сурталчилгааны агентлагт компанийхаа тухай материалыг өг. Тэд таньтай танилцсаны дараа компанийн баримталдаг гол зарчим, онцлогийн тухай асуухгүй бол тэдэнтэй хамтран ажиллах хэрэггүй.
      -  Мэргэжлийн зураач, дизайнерт өөрийнхөө баримталж буй зарчмыг цаасан дээр буулган үзүүлэх юм бол компанийн дүр төрхийг хийсвэрээр дүрслэн илэрхийлээд өгнө. Мэргэжлийн янз бүрийн хүмүүсээс зөвлөгөө аваарай. Зураач гэдэг тохижилтын асуудлыг төдийлөн сайн мэдэхгүй. Тиймээс компанийн имижийг бий болгох асуудал дээр төдийлөн тохирохгүй болов уу. Тэгээд ч энэ ажилд ганцхан зураач оролцох ёсгүй. Боломжтой бол мэргэжлийн хүмүүстэй санал бодлоо солилцоорой.
     -  Дизайны асуудлыг шийдэхэд шаардлагатай зүйлсийн жагсаалтыг гаргаарай. Цаашид энэ чиглэлээр ажиллахад хэрэгтэй зүйл буюу тамгаас эхлүүлэн албан бланк хүртэлх бүх зүйлийн жагсаалтыг гаргаарай.